بەرشەلۆنە دەیەوێـت بچێتە مێژوو بە بەدەست هێنانی نازناوی شەشەم

بەرشەلۆنە دەیەوێـت بچێتە مێژوو بە بەدەست هێنانی نازناوی شەشەم



یانەی بەرشەلۆنەی ئیسپانی كە هەموولایەكی توشی شۆك كردووە لەبەدەستهێنانی نازناوەكان، هێشتر تێر نەبووەو دەیەوێت هەگبەكەی پر بكات، پاش ئەوەی 5 نازناوی بەدەست هێنا، ئێستا لەچاوەڕوانی شەشەمدایە كە مۆندیالی یانەكانە، ئەم نازناوە تاكە نازناوە كە بەرشەلۆنە لە ئەرشیفی یانەكەدا نیەتی‌و هەموو هەوڵێكی گواردیۆلا بۆ بەدەستهێنانی ئەو نازناوەیە، بەرشەلۆنە پاش گەیشتنی بەیاری كۆتایی ئەم جامە كە لە ئەبوزەبی ئیماراتی یاریەكانی بەرێوە دەچێت لەیاری كۆتاییدا روبەروی ئیستودیانتسی ئەرژەنتینی دەبێتەوە، میسی‌و هاورێكانی پاش تێپەراندنی یانەی ئەتلەنتای مەكسیكی نایانەوێت ئەزمونی تاڵی 2006 تازە بكەنەوە ئەوكاتە لەیاری كۆتایدا بەیانەی ئەنتەرناسیۆناڵی بەرازیلی دۆران، ئەگەرچی لیۆنێل میسی لەیاری پێش كۆتایی بەناچاری گواردیۆلا بەشداری پێكردو هۆكاری سەركەوتنی یانەكەی بوو، بەلام لەیاری كۆتایدا یاریزانێكی تری یانەكە رەنگە بەشداری نەكات ئەویش ئیندرێس ئینێستایە كە لەپێش كۆتایی توشی پێكان هات، لەگەڵا ئەوەشدا میسی بەشێوەی بنەرەتی یاری دەكات.